Drejtësia ruse thotë se ka marrë një apel duke kërkuar që një dënim me kusht kundër kundërshtarit të Kremlinit Alexei Navalny të kthehet në burg.
Navalny aktualisht është në Gjermani, ku u transferua në gusht, pasi papritmas u sëmur.
Laboratorët në Evropën Perëndimore kanë arritur në përfundimin se Navalny ishte helmuar me një agjent nervor.
Në faqen e internetit të gjyqësorit në Moskë thuhet se po kërkohet “anulimi i dënimit me kusht” kundër Navalny-t, për “dështim në përmbushjen e detyrimeve të vendosura”, sepse ai nuk “ndreqi dëmin që ai bëri ose bëri një krim të ri”.
Navalny reagoi menjëherë në Tëitter, duke deklaruar se ankesa u paraqit nga Shërbimi i Burgut (FSIN) mbi vendimin e dhjetorit 2014.
“Putin ishte aq i tërbuar kur pa që unë i kisha mbijetuar helmimit, saqë ai kërkoi nga FSIN që t’i kërkojë gjykatës të zëvendësojë dënimin me kusht me burg,” tha Navalny.
Ai u dënua me tre vjet e gjysmë provë me kusht për përvetësim të pretenduar të 26 milion rublave nga një degë e kompanisë franceze të kozmetikës Yves Rocher.
E njëjta kompani franceze njoftoi në 2014 se nuk kishte pësuar ndonjë dëm.
FSIN thotë se Navalny nuk i respektoi detyrimet e një dënimi me kusht, sepse ai nuk u kthye në Rusi pas shërimit në Gjermani.
Që kur doli nga koma, Navalny ka akuzuar Putinin se ka porositur vrasjen e tij.
Por Kremlini ka mohuar këtë akuzë.
