Qeveria do të kërkojë nga bankat që të shtyjnë edhe me tre muaj afatet e pagimit të kredive që kanë qytetarët. Lajmi u bë i ditur nga ministri i Shtetit, Arben Ahmetaj, i cili gjatë një interviste në emisionin “Opinion” ka bërë të ditur se kryeministri Edi Rama do të zhvillojë takim me guvernatorin e Bankës së Shqipërisë, Gent Sejko për këtë çështje.
Nesër do të realizohet një takim i tillë dhe pritet që kjo të shihet si një masë lehtësuese për shqiptarët. Fillimisht qeveria e kishte parashikuar që shtyrja e pagesës së kësteve të shtyhet deri në maj, por meqë afati për skadon, duket se qytetarët dhe bizneset duhet të negociojnë nga e para me bankat.