Qeveria japoneze ka vendosur që sasi të mëdha uji radioaktiv nga termocentrali bërthamor Fukushima do të derdhen në Oqeanin Paqësor në dy vitet e ardhshme, gjë që kundërshtohet ashpër nga peshkatarët vendas dhe banorët e zonave përreth.
Prej kohësh është spekuluar se qeveria do të marrë një vendim të tillë, i cili është shtyrë për disa vjet për shkak të protestave dhe arsyeve të sigurisë.
Sidoqoftë, vendimi u mor më në fund në seancën e qeverisë, e cila deklaroi se lirimi i ujit të ndotur radioaktiv në Paqësor është zgjidhja më e mirë, raporton AP.
Uji radioaktiv është ruajtur në termocentralin bërthamor Fukushima Daiichi që nga viti 2011, kur reaktorët në këtë impiant u dëmtuan nga një tërmet dhe tsunami, dhe uji i ftohur i reaktorit të kontaminuar filloi të rridhte.
Kompania Elektrike e Tokios (TEPCO), e cila menaxhon Fukushiman, tha se kapacitetet për ruajtjen e ujit radioaktiv do të mbusheshin në fund të vitit të ardhshëm dhe kryeministri i Japonisë, Yoshihide Suga, vlerësoi se shkarkimi i ujit të ndotur në Oqeani Paqësor ishte “opsioni më realist dhe i pashmangshëm”.
Ekspertët nga TEPCO dhe qeveria e Japonisë thanë se vetëm uji tritium nuk mund të hiqet nga uji radioaktiv, i cili, siç u tha, nuk është i dëmshëm për mjedisin dhe shëndetin e njeriut në sasi të vogla, por niveli i të gjitha materialeve të tjerë radioaktivë në ujë mund të jetë te reduktuar ne nivel.
Disa shkencëtarë kanë paralajmëruar se efektet e dëmshme afatgjata të lëshimit të sasive të mëdha të ujit radioaktiv në det në jetën detare nuk dihen.
TEPCO konfirmoi se kapacitetet për ruajtjen e ujit radioaktiv arrijnë në 1.37 milion tonë dhe se ato do të mbushen deri në vjeshtën e vitit 2022.