Të gjithë kanë tendencën të veshin rroba me ngjyrë të bardhë gjatë
muajve të nxehtë. Kjo pasi mendohet se e bardha reflekton rrezet e
diellit, janë veshje më të gjera si dhe nuk e tregojnë shumë djersën.
Por është mit apo e vërtetë se e bardha të mban më freskët…? Në pamje të parë ajo të krijon ndjesinë si ngjyrë e ftohtë.
Për të hedhur dritë mbi këtë teori, flet Rhett Allain, profesor i fizikës në Southeastern Louisiana University.
Provoni një eksperiment. ‘Merrni një letër të bardhë dhe një letër të
zezë e lërini në dritë të diellit. Prisni pesë minuta dhe më pas
fërkoni secilën fletë në faqe, pasi ato janë më të ndjeshme se duart. Do
kuptoni se letra e zezë është më e nxehtë se e bardha.’ ka thënë
Allain.
Drita e bardhë, shpjegon Allain, është kombinimi i gjithë ngjyrave,
ndërsa e zeza është mungesa e ngjyrës. “Kjo do të thotë se letra e
bardhë e reflekton gjithë dritën, ndërsa e zeza e thith dhe nxehet.”
Por, disa studime të tjera thonë se veshjet e zeza na mbajnë më
freskët sesa të bardhat. Për shembull, Beduinët veshin rroba të zeza për
t’i mbijetuar të nxehtit në shkretëtirën e Sinait.
Në teori: “Kur trupi nxehet, rrezaton energji (në spektrin infrared)”
thotë Allain. “Nëse vishni rroba të bardha, ky rrezatim i trupit
reflektohet mbrapsh në trup dhe ju nxeh edhe më shumë, ndërsa rrobat e
zeza nuk e reflektojnë mbrapsh.”
Sërish kjo mbetet deri diku një pyetje pa përgjigje. Sipas ekspertit
mjafton të mbani veshur rroba të rehatshme, të gjera dhe nga një
material i butë dhe i freskët./Real Simple