Komisioni i Organizimit të Zgjedhjeve në Partinë Demokratike, ka dalë sot në një konferencë për mediat, ku kanë njoftuar ndryshime në rregulloren e zgjedhjeve për kryetar, edhe pse deri tani në garë është Sali Berisha.
Sipas Eno Bozdos, ndryshimet që janë bërë në rregulloren e zgjedhjeve, janë fokusuar kryesisht në 3 aspekte. E para ka të bëjë me aksesin e kandidatëve në qendrat e votimit, një vëzhgues i përhershëm në Komisionin për organizimin e zgjedhjeve, aksesi në lista dhe në zyrën e shtypit.
Këto ndryshime sipas tij do të sjellin edhe një garëtë drejtë mes kandidatëve në garë, edhe pse deri tani për zgjedhjet e 22 Majit, ka paraqitur dokumentacionin vetëm Sali Berisha.
Albana Vokshi: Dje u përmbyll zgjdhja e kreut të Këshillit Kombëtar të PD-së, ku zoti Paloka u zgjodh fitues me 65% të votave. Publiku e ka tëqartë sesa transparent ishte ky proces. Ne kemi miratuar një rregullore për zgjedhjet.
Eno Bozdo: Rregullorja ka disa ndryshime drastike që sigurojnë një proces të drejtë për të gjithë kandidatët, rregullorja në parimet e përgjithshme mbi të gjitha sanksionon kontroll të njëjtë të kandidatëve mbi procesin zgjedhor. Kandidatët ftohen që të prezantojnë platformën e tyre, në të gjitha degët e bazës, kandidatët mund të ketë një vëzhgues pranë komisionit për organizimin e zgjedhjeve. Çdo kandidat ka të drejtë që të kenë një komisioner në tavolinën e votimit, për të ndjekur nga afërtë gjithë procesin.
Ndryshimi tjetër që është thelbësor, është aksesi i kandidatëve në listat zgjedhore, në emër të të dhënave personale, një akses i tillë nuk ka qenë i mundur. Komisioni ynë ka përgjegjësinë ti japë çdo kandidati listat zgjedhore, për herë të parë kandidatët do të kenë në dorë listën zgjedhore në çdo degë që ata do të kërkojnë. Aksesi i kandidatëve në zyrën e shtypit, që deri tani nuk ka qenë i barabartë. Rregullorja detyron zyrën e shtypit që të trajtojë njësoj zyrën e shtypit.
(E.K/Faxweb.al)
…
/faxweb
