Kërkesa e opozitës për vettingun në politikë u shqyrtua në Këshillin e Legjislacionit të Kuvendit, ku deputeti Alibeaj e mbrojti me të madhe. Ai kundërshtoi vendimin e mazhorancës për dërgimin në Venecia, duke e interpetuar politikisht.
“Venecia e ka shqyrtuar të këtë nismë me vettingun e gjyqtarëve dhe prokurorëve. A keni kurajo morale për ta pranuar secili individualisht? A keni kurajo politike për të pranuar vetingun tonë njësoj siç bëhet vettingu për policët, gardistët, prokurorët, gjykatësit”, u shpreh Alibeaj.
Në fund u pëcaktuan relatorët e dy palëve për ta marrë në shqyrtim. Për PD do jenë Oerd Bylykbashi dhe Gazmend Bardhi. Ndërsa për mazhorancën do të jenë Vasilika Hysi, Artur Metani dhe Gledion Llatja.
