Një avion pasagjerësh që kishte probleme me motorin, nisi të derdhte karburantin, për fat të keq, mbi disa shkolla të Los Angeles-it, e kjoi gjatë një ulje emergjente në një aeroport ndërkombëtar.
Më pas, 56 fëmijë dhe të rritur raportuan acarim të lëkurës dhe probleme me frymëmarrjen, sipas mediave amerikane. Sidoqoftë, askush nuk u mbajt në spital.
Karburanti i shkarkuar nga aeroplani e Delta Airlines u përhap në të gjithë pjesët e Los Angeles-it, 21 milje nga aeroporti LAX dhe u ndje në pesë shkolla fillore.
Menjëherë pas fluturimit, aeroplani që u nis për në Shanghai kishte “probleme me motorin, gjë që e detyroi të kërkonte urgjentisht të kthehej në LAX.”
“Avioni u ul në mënyrë të sigurt pas shkarkimit të karburantit, praktikë e cila është pjesë e procedurës normale për të arritur një peshë uljeje të sigurt”, u tha në një deklaratë.
Autoritetet e aviacionit amerikan kanë treguar se ata po hetojnë rastin.
“Ekzistojnë procedura të veçanta për shkarkimin e karburantit për aeroplanët që vijnë ose nisen nga aeroportet kryesore të SHBA. Këto procedura kërkojnë që karburanti të shkarkohet mbi zonat e papopulluara, zakonisht në lartësi të mëdha, për të shpërndarë grimcat e karburantit para se të arrijnë në tokë”, thanë ata.
#WATCH: A plane is seen dumping jet fuel over Park Avenue Elementary School in Cudahy where 17 children and nine adults were treated for skin and eye irritation (credit: @ivan522hdzzz) pic.twitter.com/IDExu5On13
— CBS LA (@CBSLosAngeles) January 14, 2020