Sapo u zgjodh në krye të Bashkisë së Shkodrës, Bardh Spahia, ka nisur disa ndryshime në hapësirat publike.
Gjatë ditës së sotme Bashkia Shkodër ka nisur lirimin e hapësirave publike në pedonalen “Kolë Idromeno”.
Një nga pedonalet me lëvizshmërinë më të madhe në qytetin e Shkodrës.
1 dite më parë, Bashkia Shkodër i bëri thirrje bizneseve që të lirojnë vetë hapësirën. Këtë të enjte ka nisur aksioni për “pastrimin” e kësaj pedonale.
Asnjë prej bizneseve nuk ka bërë rezistencë, ndërkohë që puna ka vijuar si normalisht.
Flet kreu i IMT në Bashkinë Shkodër, Ibro: Kemi hasur në bashkëpunimin e subjekteve. Aksioni ka nisur që në orën 09:00. Në këtë zonë janë 17 subjekte.
Një ndër objektivat e kryetarit është lirimi i të gjitha hapësirave publike në Shkodër.
Nëse subjektet kthehen për të zaptuar përsëri hapësirën publike do të përballen me ligjin.
(E.K/Faxweb.al)
në Facebook, klikoni Join Group
…
/faxweb
