Kur kanë kaluar 4 ditë pas ngjarjes horror që ndodhi në Tiranë, ku në një banesë në Komibant u gjendën të vetëflijuara nënë dhe bijë dhe vajza tjetër në gjendje të rëndë, forcat zjarrfikëse kanë shkuar sërish në shtëpinë e familjes Josifi.

Forcat Zjarrfikëse kanë shkuar për të bërë dezinfektimin e ambineteveteksa kanë bërë të mundur edhe largimin e dyshekut ku ka qëndruar për 15 muaj e vdekur Anisa, në pritje të ringjalljes.

Krevati ku kishte qëndruar Anisa ishte pranë dritares së dhomës së gjumit, pranë së cilës ishte vendosur edhe një ventilator.

Kanë qenë fqinjët që e kanë bërë një kërkesë të tillë për shkak të erës së keqe që vinte nga kjo banesë, ndërkohë që dyshohet se trupi i Anisës lyhej me vaj dhe uthull që të mos ndihej aroma e dekompozimit.

Sipas dëshmive që ka mbledhur policia nga familjarë të Familjes Josifi, ata nuk kanë pasur asnjë kontakte me Anisën, vajzën që u gjet e pajetë që nga fundi i janarit, kohë kur dyshohet dhe që të ketë ndërruar jetë.

Zhaneta Josifi, 56-vjeç dhe e bija, Anisa, 30 vjeçe u gjetën pajetë në banesën e tyre, ndërsa Blerta, 34 vjeçe është dërguar në spital në gjendje të rëndë, që paraprakisht dyshohet të jetë shkaktuar për shkak të mungesës së ushqyerjes së saj.

Mësohet se pavarësisht gjendjes së saj të rëndë, Blerta u ka komunikuar shkurtimisht grupit hetimor këto fjalë: “Se keni idenë çfarë kaluam ne për të fituar ringjalljen”. Ekspertët i kanë gjetur viktimat të lyera me vaj dhe uthull, që siç duket është një rit, me shpresën se ato një ditë do të ringjalleshin sërish.

Për të nxjerrë kohën ekzakte të vdèkjes së saj do duhet edhe një kohë më e gjatë. Në trupin e viktimës janë gjetur shenja vaji që e përdorte nëna me motrën tjetër për të mos u dekompozuar trupi dhe për të mos ardhur erë të keqe. Trupi ishte mbështjellë me shtroje dhe mbulesa të shumta.

Të treja gratë ishin dëshmitare të Jehovait, ndërkohë që më herët ishte ndarë nga jeta në Përmet dhe bashkëshorti i Zhanetës, i cili dyshohet se ishte themeluesi i degës së jehovait bë Përmet, por nuk dihet ende nëse ndarja e tij nga jeta ka ndodhur përmes vetëflijimit.

Sipas dëshmive edhe nga grupi i hetimit, e para që ka ndërruar jetë ka qenë Anisa, pasi trupi i saj është gjetur i dekompozuar, ndërsa ajo është mbajtur në banesë, në pritje të rikthimit të saj në jetë. Si pasojë e mungesës së vazhdueshme të ushqyerjes, që u konfirmua dhe nga drejtori i Policvisë së

Tiranës Rebani Jaupi, vetë Zhaneta dhe Blerta, po ashtu kanë kaluar ditë të vështira, që kanë çuar në humbjen e jetës së njërës prej tyre.

/faxweb

Subscribe kanalin tonë në Youtube për të mos humbur asnjë video të re