Skip to content

VIDEO/Drejtonte makinën nën efektin e drogës, policia arreston 24 vjeçarin në Tiranë

Ndajeni këtë artikull me të tjerë duke klikuar ikonat më poshtë

Në kuadër të kontrolleve të ushtruara nga policia rrugore për ndëshkimin e personave të cilët shkelin rregullat e qarkullimit, është arrestuar shtetasi E.S, 24 vjeç i cili në momentin e ndalimit ka rezultuar se po drejtonte automjetin nën efektin e lëndëve narkotike.

Videoja e arrestimit të të riut

Njoftimi i Plotë:

Tiranë

Policia Rrugore e Tiranës vijon kontrollet e dedikuara për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore.

Si rezultat i kontrolleve të dedikuara, u evidentua dhe u godit edhe 1 tjetër rast i drejtimit të automjetit, nën efektin e lëndëve narkotike, duke e çuar kështu në 25 numrin e drejtuesve të mjeteve që kanë rezultuar nën efektin e drogave, pas testimit me aparatin AquilaScan.

Në bulevardin “Bajram Curri”, shërbimet e Policisë kanë ndaluar mjetin me drejtues shtetasin E. S., 24 vjeç, i cili pas testimit me aparatin AquilaScan, ka rezultuar se drejtonte mjetin, nën efektin e lëndëve narkotike.

Në vijim të veprimeve u bë arrestimi në flagrancë i tij, për veprën penale “Drejtimi i automjeteve në mënyrë të parregullt”.

Policia Rrugore e Tiranës apelon për zbatim me rigorozitet të rregullave të qarkullimit rrugor dhe fton qytetarët që të denoncojnë në Komisariatin Dixhital dhe në numrin pa pagesë 112, çdo rast të shkeljes së rregullave të qarkullimit rrugor.

në Facebook, klikoni Join Group

/faxweb

Ndajeni këtë artikull me të tjerë duke klikuar ikonat më poshtë