Kandidatja e AAK-së për deputete, Rrezofat Azemi, ka reaguar pasi shumë u tallen me të qeshurën e saj karakteristike dhe emocionet e shprehura në një tubim elektoral.

Azemi ka thënë se ashtu qesh gjithmone dhe se nuk ka komplekse, ndërsa ka shtuar se e rëndësishme është kush qesh i fundit.

“Të nderuar miq,

Paskan filluar sulmet kinse për gafe. Unë ashtu qeshi edhe me shokë edhe me familje dhe nuk e kam kompleks. E rëndësishme është kush qesh i fundit, e unë do të gëzohem me qeshje në fitoren e Aleancës dhe Ramushin President”, ka shkruar ajo.

Në një tubim elektoral të AAK-së, ajo ka ngatërruar disa fjali, ndërsa herë pas here ka qeshur me të madhe.

“Nuk e di çka është tu ndodh me mu (qesh). Ndoshta që jam përballë presidentit (qesh)”, ka thënë ajo, duke u ndalur disa herë. “Më falni, nuk muj”, ka thënë ajo.