Përplasi për vdekje 15-vjeçarin në Greqi dhe më pas u largua prangoset taksisti shqiptar me origjinë nga Vlora.
Sipas mediave greke aksidenti ndodhi në kilometrin e parë të Rrugës Provinciale Xylokerizas-Examilion.
Në momentin kur përplasi 15-vjeçarin, shqiptari po drejtonte një taksi.
“Si pasojë e përplasjes, adoleshenti përfundoi zvarrë disa metra në asfalt, ndërsa nëna e tij u plagos lehtë.
Taksisti u largua menjëherë nga vendi i ngjarjes, por u arrestua pak orë më pas,”-sqarojnë mediat greke.
Ditën e sotme shqiptari do të dalë përpara gjykatës, për t’u njohur me masën e sigurisë.