Interi shpallet zyrtarisht skuadra kampione e Italisë. Ky titull vjen pas 11 vitesh që prej kur zikaltërit e kishin fituar në vitin 2010.
Në video shfaqet momenti kur skuadra italiane ngre lart trofeun dhe shpërthen festa e shumëpritur në stadiumin San Siro.
Ky është një sukses i madh për skuadrën e Interit pasi kishin vite pa e fituar ëktë trofe dhe këtë vit, u vërejt një përmirësim i madh në lojën e tyre duke bërë që çështja e shpalljes së skuadrës kampione të mbetej thjesht një zyrtarizim, pasi Inter kishte kohë që kryesonte renditjen vazhdimisht.
Festa e titullit kampion kulmoi pasditen e sotme në “San Siro”, në ndeshjen e fundit të kampionatit ndaj Udineses, në përfundim të së cilës u bë edhe ceremonia e dorëzimit të trofeut. Inter fitoi për herë të 19-të trofeun më të rëndësishëm në Itali duke i bërë një mbyllje kampionatit me një fitore me shifrat 5-1.
Serinë e golave e hapi Ashley Young në minutën e 8’, ndërsa pak para fundit të pjesës së parë ishte danezi Eriksen që ekzekutoi në mënyrë të saktë një goditje dënimi, duke dyfishuar shifrat.
Për t’ju bashkuar faqes sone në Facebook, klikoni like
loading…
/faxweb
