Në Tiranë zhvillohet sot Samiti i Evropës Juglindore-Ukrainë, që do bashkëdrejtohet nga kryeministri i Shqipërisë Edi Rama dhe Presidenti i Ukrainës, Volodymyr Zelensky.
I pari që ka mbërritur ka qenë presidenti i Ukrainës, Volodymyr Zelensky, i cili ka qëndruar për disa minuta në tapetin e kuq, ku ka diskutuar me kryeministrin Edi Rama.
Më pas së bashku ata kanë pritur një e nga një të gjithë liderët e tjerë që marrin pjesë në këtë samit.
“Mbërritja e liderëve për pjesëmarrjen në Samitin Ukrainë – Europa Juglindore, për të dëshmuar edhe njëherë vlerat që na bashkojnë në mbështetjen e pakushtëzuar ndaj Ukrainës dhe njerëzve të saj”, shkruan Rama në Facebook.
Më herët gjatë paradites së sotme, Rama dhe Zelensky firmosën disa marrëveshje bashkëpunimi.