Një aksident raportohet të ketë ndodhur këtë të mërkurë në aksin Levan-Tepelenë.
Paraprakisht raportohet për të paktën tre të plagosur, të cilët janë dërguar në spitalin e Fierit për ndihmë mjekësore.
Ndërkohë policia po heton mbi rrethanat dhe shkaqet e aksidentit.
Njoftimi i Policisë:
Mallakastër/Informacion paraprak
Rreth orës 16:00, në aksin rrugor “Levan-Tepelenë”, në Poçem, automjeti me drejtues shtetasin B. H., është përplasur me automjetin me drejtues shtetasin L. A.
Si pasojë e përplasjes është dëmtuar shtetasi L. A., dhe dy pasagjeret në automjete, shtetaset M. H., 44 vjeçe dhe E. A., 39 vjeçe, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.
Pamjet pak çaste pas aksidentit: