Forcat e armatosura të Ukrainës shkatërruan anijen e madhe ruse Tsezar Kunikov në afërsi të Krimesë së okupuar në Detin e Zi, njoftoi sot ushtria ukrainase.
“Forcat e Armatosura të Ukrainës, së bashku me njësinë e inteligjencës së Ministrisë së Mbrojtjes, shkatërruan anijen e madhe Tsezar Kunikov. Ajo ishte në ujërat territoriale të Ukrainës pranë Alupka në momentin e goditjes”, sqaroi ushtria ukrainase.
🇺🇦💥🇷🇺 Ucrania ha publicado imágenes de un ataque coordinado con varios drones submarinos contra el buque de desembarco ruso Tsézar Kunikov, hasta hundirlo. pic.twitter.com/RE4QmMlGrx https://t.co/KQ9glLPYmZ
— The Political Room (@Political_Room) February 14, 2024
Më herët, Ukrainska Pravda, një uebsajt i madh lajmesh ukrainas, raportoi se dronët detarë ukrainas kishin goditur dhe dëmtuar një anije të madhe ruse në brigjet e Krimesë të kontrolluar nga Rusia.
Faqja e lajmeve kishte publikuar video që tregonin një shtëllungë tymi që ngrihej në det në brigjet jugore të Krimesë dhe helikopterë që fluturonin sipër.
Ligjvënësi ukrainas Oleksiy Khonsarenko tha se anija e shënjestruar ishte Tsezar Kunikov, e cila kishte marrë pjesë në operacionet ushtarake ruse në Gjeorgji në vitin 2008.
Ministria ruse e Mbrojtjes nuk ka dhënë një deklaratë për këtë çështje. Megjithatë, ajo kishte njoftuar më herët se kishte rrëzuar gjashtë dronë ukrainas mbi ujërat e Detit të Zi.
Khonsarenko dhe Ukrainska Pravda nuk specifikuan se kur ndodhi sulmi. /
