Fier: Operacioni policor i koduar “Prive” ka përfunduar me sukses, nën drejtimin e Prokurorisë, pas një hetimi të gjatë prej rreth 7 muajsh nga Sektori për Hetimin e Narkotikëve dhe Trafiqeve. Gjatë operacionit, është zbuluar një lokal në Mbrostar, ku ushtrohej prostitucion.
Janë arrestuar 5 persona, përfshirë tre shtetas shqiptarë, të cilët dyshohen si organizatorë të kësaj veprimtarie kriminale, dhe dy shtetase nga Uganda, të cilat ushtrojnë prostitucionin.
Në operacion u sekuestruan shuma parash në valuta të ndryshme, të përfituara nga kjo veprimtari, 2 armë të ftohta dhe 1 automjet.
Arrestimet janë bërë për shtetasit:
-
O. P., 29 vjeç, banues në Fier
-
K. H., 24 vjeçe, banuese në Peqin
-
O. G., 32 vjeçe, banuese në Fier
-
R. M., 24 vjeçe, banuese në Uganda
-
Sh. N., 22 vjeçe, banuese në Uganda
Hetimet kanë treguar se në këtë lokal, ku shtetaset nga Uganda ishin punësuar për të performuar kërcime, ato ushtronin edhe prostitucion. Organizatorët shqiptarë kryenin rolet e rekrutuesve dhe administratorëve të aktivitetit kriminal.
Materialet janë referuar në Prokurorinë e Fierit për veprime të mëtejshme.