Dy lojtarë të përfaqësueses së Kosovës, Edon Zhegrova dhe Benjamin Kololli janë përleshur me njëri-tjetrin në stërvitjen e skuadrës në stadiumin “Fadil Vokrri” në Prishtinë.
Për të parandaluar përshkallëzimin e sherrit kanë ndërhyrë ndihmës trajneri Muharrem Sahiti dhe menaxheri Bajram Shala, por edhe disa prej shokëve të skuadrës, ndërkohë që nga pamjet e siguruara nga mediat kosovare, pjesa më e madhe e lojtarëve duket se vazhdojnë stërvitjen.
Pas qetësimit të gjendjes, stërvitja ka vazhduar normalisht edhe për Zhegrovën dhe Kolollin, të dy pjesë e formacionit bazë të skuadrës së drejtuar nga Bernard Challandes. Ende nuk dihen shkaqet që kanë tensionuar situatën mes dy lojtarëve.
