Qytetarët shkodran nuk i ka penguar as ora policore, por as reshjet e shiut që të dalin në tubim, në shenjë proteste ndaj vrasjes së 25-vjeçarit Klodjan Rasha nga efektivi i Reneas.
25-vjeçari u ekzekutua 50 metra larg banesës së tij, pasi u përpoq t’i largohej me vrap efektivit policor, i cili kërkonte ta ndalonte për thyerjen e orës policore. Rasha është qëlluar pas shpine me dy plumba një prej të cilëve i ka kapur zemrën duke qenë fatal për 25-vjeçarin.
Kujtojmë se nëpër rrjete sociale qytetarë të ndryshëm dhe aktivistë të shoqërisë civile, po organizohen për mbajtjen e një tjetër tubimi paqësor, në shenjë proteste ndaj kësaj ngjarjeje të rëndë.
Protesta pritet të mbahet në ambientet para ministrisë së Brendshme në orën 16:30 të pasdites së nesërme dhe do të organizohet sipas protokolleve të pandemisë.
/faxweb
