Reshjet e dendura të shiut që kanë përfshirë mbrëmjen e sotme thuajse të gjithë vendin, përpos Durrësit dhe Fierit, kanë shkaktuar probleme me qarkullimin e automjeteve edhe në Vlorë.
Pak orë pas paralajmërimit të bashkisë, drejtuar qytetarëve të Vlorës, nisën reshjet intensive duke sjellë edhe problemet, sidomos në zonën e Skelës, pranë portit.
Bashkia e Vlorës u kërkoi qytetarëve që shmangin lëvizjet me makina që nuk janë të domosdoshme për shkak të situatës nga reshjet.