Në orët e para të mëngjesit të sotëm (3 mars) një shpërthim me lëndë plasëse ka ndodhur në lagjen nr.14 në Durrës.
Mësohet se një person i maskuar me kapuç ka hedhur një sasi tritoli, e cila ka dëmtuar fasadën e biznesit, duke thyer xhamat.
LEXO EDHE: Shpërthim me lëndë plasëse në një mobileri në Durrës, vetëm dëme materiale
Policia po kqyr të gjitha kamerat e zonës, për të identifikuar autorin, ndërsa në pyetje janë marrë pronari i mobilerisë, Artan Alla dhe punonjësit e tij, për ndonjë konflikt të mundshëm.
Në dëshminë e tij, Alla është shprehur se nuk ka konflikt me asnjë dhe se kjo është hera e tretë që e sulmojnë.
Hera e fundit ka ndodhur para dy javësh, duke theksuar se në asnjë rast autorët nuk janë zbuluar nga policia.
“S’kemi konflikt me asnjë. Kjo është hera e tretë që më sulmojnë. Autorët nuk janë gjetur në asnjë rast”, ka thënë Alla.
