Dronët e Marinës Ukrainase goditën dhe çaktivizuan sot një anije cisternë nafte që i përkiste flotës në hije të Rusisë, ndërsa ajo lundronte nëpër zonën ekonomike ekskluzive të Ukrainës në Detin e Zi, duke u drejtuar drejt portit rus të Novorossiysk, tha një zyrtar ukrainas.
Anija cisternë Dashan, e cila po lundronte me shpejtësi maksimale me transponderët e saj të fikur, pësoi dëme të mëdha gjatë sulmit, gjatë të cilit eksplozivë të fuqishëm goditën pjesën e pasme të saj, tha një zyrtar i Shërbimit të Sigurisë Ukrainase.
Autoritetet thanë se eksplozivë të fuqishëm goditën pjesën e pasme.
Lajmi u dha edhe nga një zyrtar i Shërbimit të Sigurisë Ukrainase, teksa u publikuan edhe pamje filmike të këtij sulmi.
Edhe më herët dronët ujorë ukrainas kishin bombarduar dy prej cisternave ruse të naftës në Detin e Zi, që kishin thyer sanksionet e BE, SHBA dhe Britanisë së Madhe.