Një incident apo moment humori mund ta quajmë atë që ndodhi sot në Komisionin e Ligjeve.
Mbledhja është zhvilluar online, ndërsa ka qenë deputeti Jurgis Çyrbja, i cili ishte në cilësinë e relatorit të pr/ligjit për ratifikimin e marrëveshjes me Gjermaninë, teksa po fliste e kapi e qeshura dhe nuk mundi të prezantonte pr/ligjin.
Siç shihet edhe nga pamjet, Çyrbja ndodhet në zyrën nga ku bëri lidhjen online me një person tjetër i cili duket se e bën të qeshë.
E qeshura e tij ka infektuar të gjithë deputetët që kishin hyrë në zoom.
Çyrbja nuk arriti të ndalonte të qeshurën sa e mbylli zoom.
Më pas prezantimi u bë nga deputeti Denisi Deliu, ndërsa kryetarja e komisionit, Klotilda Bushka e justifikoi largimin e Jurgis Çyrbes me ‘defekt teknik’.