Policia e Fierit ka vendosur në pranga dy shtetas dhe ka shpallur në kërkim dy të tjerë, për vepra të ndryshme penale.
Një 59-vjeçar dhe një 22-vjeçar janë vënë në pranga pasi kanë ushtruar dhunë respektivisht ndaj kushërirës dhe babait.
Në kërkim është shpallur një 38-vjeçar, pasi dyshohet se nëpërmjet celularit ka kanosur dhe fyer motrën e tij.
Po ashtu në kërkim është shpallur edhe një 50-vjeçar, pasi dyshohet se i ka dëmtuar automjetin një shtetaseje, të cilin më pas ia ka marrë me pretendimin se do e riparonte dhe nuk ia ka kthyer.
Njoftim i policisë:
Fier/Arrestohen në flagrancë 2 shtetas dhe punohet për kapjen e 2 të tjerëve, autorë të dyshuar për vepra penale të ndryshme.
Specialistët për Hetimin e Krimeve të Komisariatit të Policisë Fier arrestuan në flagrancë shtetasin A. Dh., 59 vjeç, banues në fshatin Pishë Poro, pasi ka ushtruar dhunë ndaj kushërirës së tij.
Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin A. L., 22 vjeç, banues në Lushnjë, pasi ka ushtruar dhunë ndaj babait të tij, i cili u pajis me urdhër mbrojtjeje.
Specialistët për Hetimin e Krimeve të Komisariatit të Policisë Fier shpallën në kërkim shtetasin E. K., 38 vjeç, pasi dyshohet se nëpërmjet celularit, ka kanosur dhe fyer motrën e tij.
Specialistët për Hetimin e Krimeve të Stacionit të Policisë Patos shpallën në kërkim shtetasin O. K., 50 vjeç, pasi dyshohet se i ka dëmtuar automjetin një shtetaseje, të cilin më pas ia ka marrë me pretendimin se do e riparonte dhe nuk ia ka kthyer.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.