“Trendi i infeksioneve të personave që kthehen nga vendet e huaja është konfirmuar edhe në zonën e Cesenate. Në 24 orët e fundit, krahina numëron gjashtë raste të reja, të gjitha në zonën e Cesena-s, dhe të gjitha kanë të bëjnë me njerëzit që janë kthyer nga jashtë. Një familje prej katër personash u konfirmuan me Covid-19 në Gambettola, të cilët ktheheshin nga Shqipëria”, kështu shkruajnë mediat italiane, ndërsa theksohet se pjesa më e madhe e të infektuarve në këtë rajon janë të importuara.
Ndërkohë edhe ditën e djeshme në rajonin e Puglias u raportua për tre shqiptarë me Covid-19 të cilët kishin udhëtuar nga Shqipëria.
Autoritetet italiane të shëndetësisë janë shprehur të shqetësuara për të ardhurit që hyjnë brenda vendit, të cilët rezultojnë pozitiv për Sars – Cov 2 dhe më herët vendosën që qytetarët e disa shteteve përfshirë edhe Shqipëria të karantinohen për 14 ditë.
Prej me shumë se dymuajsh ende vijojnë të hyjnë në shtetin italian qytetarë shqiptarë të infektuar nga Covid – 19.
