Kandidati presidencial demokrat i SHBA, Joe Biden. është zotuar se muslimanët do të përfshihen në çdo aspekt social dhe politik të administratës së tij dhe se nëse zgjidhet, ai do të shfuqizojë një dekret që ndalon hyrjen e qytetarëve nga disa vende muslimane, të miratuar nga Presidenti Donald Trump.

“Si president, unë do të punoj me ju për të hequr helmin e urrejtjes nga shoqëria jonë, për të treguar respekt për kontributet tuaja dhe për të dëgjuar idetë tuaja”, tha Biden në një mesazh me video për organizatën muslimane “Muslim Advocates” dhe shtoi:

“Administrata ime do të duket si një Amerikë e vërtetë, dhe muslimanët amerikanë do të jenë në shërbim në të gjitha nivelet”.

Ish-zvpresidenti premtoi gjithashtu që, ditën e parë në Shtëpinë e Bardhë, nëse zgjidhet, ai do të shfuqizojë dekretin e Trump që ndalon hyrjen e qytetarëve nga disa vende muslimane. Biden u zotua gjithashtu t’u bëjë thirrje ligjvënësve dhe qeverisë të kalojnë legjislacionin për të ndihmuar në luftën kundër krimeve të urrejtjes në Shtetet e Bashkuara.

“Në vend që të shërojnë plagët, ato na ndajnë më tej, dhe unë refuzoj ta lejoj atë të ndodhë. Ne kemi një të ardhme me të vërtetë të ndritshme për ta lënë atë në anije në brigjet e tërbimit dhe ndarjes”, theksoi Biden.

Faqja e tij e fushatës kushtuar muslimanëve gjithashtu premton të urdhërojë Ministrinë e Drejtësisë të alokojë burime shtesë për të luftuar krimet e urrejtjes të bazuara në fe.

“Muslimanët amerikanë janë një komunitet i larmishëm dhe një pjesë dinamike e Shteteve të Bashkuara që ofrojnë kontribute të paçmueshme kulturore dhe ekonomike në të gjithë shtetin. Por ata gjithashtu përballen me sfida dhe kërcënime të vërteta në shoqërinë tonë, duke përfshirë dhunën e motivuar racial dhe Islamofobinë”, thuhet në faqe.

Biden gjithashtu dëshiron të investojë në lëvizjen ekonomike të muslimanëve amerikanë duke rritur pagën minimale federale në 15 dollarë në orë, duke forcuar sindikatat e sektorit publik dhe privat dhe duke zvogëluar hendekun e pagave.

Nga ana tjetër, Biden është i njohur për vetëkonsiderimin si një aleat të fortë të Izraelit dhe që mbron mbështetjen e pakushtëzuar amerikane për atë vend pavarësisht shkeljeve të të drejtave të njeriut palestinez dhe ndërtimit të vazhdueshëm të vendbanimeve të paligjshme izraelite në Bregun Perëndimor.

Pos kësaj, është përbetuar se po fitoi presidencën amerikane, do rrëzojë nga pushteti liderin turk Rrexhep Taip Erdogan. Ky i fundit është njëherësh një ndër figurat emblemë të botës islame. Si përgjigje, jo vetëm nga Ankaraja, Biden morri dhe atë nga Trump që kurrë s’do mundet ta bëjë diçka të tillë, pasi siç tha kreu i Shtëpisë së Bardhë, Erdogan është “lideri më inteligjent” dhe më potent që ka njohur. /tesheshi.com/