Agron Gjekmarkaj i ka dorëzuar dorëheqjen nga funksioni i nënkryetarit të Partisë Demokratike kryetarit të saj, Sali Berisha.
Sipas burimeve nga selia blu, Gjekmarkaj ka pranuar se firma e vendosur për Endri Shabanin ka qenë një gabim dhe, në këtë kuadër, i ka komunikuar Berishës vendimin për të dhënë dorëheqjen, e cila nuk është pranuar ende nga ky i fundit.
“Vendimi për ta pranuar ose jo mbetet në kompetencën tuaj”, ka deklaruar Gjekmarkaj, duke e cilësuar këtë hap si një akt kërkimfaljeje.
Gjekmarkaj mban dhe pozicionin e nënkryetarit të Kuvendit, por nuk dihet nëse do ta mbajë sërish këtë post pas kësaj dorëheqjeje nga PD.
LEXO EDHE: “Jep dorëheqjen”/ Debate në Kryesinë e PD mes Berishës, Nokës dhe Salianjit
Ndërkohë, anëtari i Kryesisë së PD, Bislim Ahmetaj, ka kërkuar mbledhjen e Këshillit Kombëtar për të vendosur për dorëheqjen e Gjekmarkajt dhe shkarkimin e Gazment Bardhit dhe Flamur Nokës.