Ashtu siç pritej, vërshimi i fuqishëm i Vjosës pas reshjeve masive shkatërroi dy argjinaturat në Bishan dhe në Mifol. Për pasojë, uji pushtoi banesat që ndodhen në dy anët e lumit, ndërsa kalimi në rrugën që lidh 5 fshatra u bë vetëm me mjetet e ushtrisë.
Gjatë gjithë ditës, evakuimet kanë vazhduar pa ndërprerje
Ne zonën e Fierit dhe Vlorës ndodhen 710 forca e 152 mjete te cilat janë angazhuar per t’u ardhur në ndihmë banorëve, duke pasur prioritet jetën e tyre.
Kjo është një nga shumë familje, evakuimi i të cilave është bërë me varkë.
Në disa zona edhe më të thella, është dashur ndërhyrja me helikopter. Banorët tregon se lumi i ka shkatërruar gjithçka.
Deri tani nuk ka patur asnjë person të lënduar e po ashtu edhe humbjet në bagëti janë shumë të pakta.
Por problemet janë ende të mëdha. Vërshimi i ujit te Vjosës ka dale deri ne rrugën nacionale Levan -Tepelene.
Policia është detyruar të bllokojë kalimin për shoferët, duke iu këshilluar devijimin e rrugës.
Ndërkohë forcat e armatosura nga Shkolla e Trupes në Bunavi dhe te komandës mbështetëse nisën ndërhyrjen për forcimin e argjinaturës së trasesë së hekurudhës Fier-Vlorë.
Bashkë me trupat shqiptare, në aksion për shpëtimin e njerëzve ishin edhe një ekip nga Forcat e Sigurisë së Kosovës. Drejtori i emergjencave civile Shemsi Premçi u ka treguar se ku janë vendet ku do të ndërhyhet.
