Presidentja Vjosa Osmani uron Partinë Socialiste për fitoren në zgjedhjet e 25 prillit në Shqipëri.
Në një postim në Twitter, ajo nuk e përmend kryeministrin Edi Rama, i cili kohë më parë gjatë vizitës së saj në Tiranë nuk qëndroi në Parlament për të ndjekur fjalimin e rastit si Presidente e Kosovës.
“Urime Partisë Socialiste për fitoren në zgjedhjet e 25 prillit.
Përgëzoj Partinë Demokratike dhe gjithë partitë e tjera për garën zgjedhore.
Uroj që të gjithë përfaqësuesit politik të kontribuojnë në forcimin e demokracisë, sundimit të ligjit dhe bashkëpunimit me Kosovën”, shkruan Osmani në Twitter.