Taksitë tashmë janë lejuar të lëvizin brenda qytetit dhe të bëjnë udhëtime ndërqytetase. Gazetari Elton Nika tha për “ABC News” se në qytetin e Vlorës taksistët janë shprehur të pakënaqur ndërsa kanë theksuar se edhe lëvizja brenda qytetit nuk ka qenë premtuese.
Situata e pandemisë ka shkaktuar problematika e saj, ndonëse Vlora është tashmë një zonë e gjelbër dhe ka një lehtësim të lëvizjeve. Nga një vëzhgim i përgjithshëm ajo që ka rënë në sy është se qytetarët nuk kanë qenë të sensibilizuar për përdorim masiv të maskave.
Ndërkohë që edhe Pogradeci prej një jave është zonë e gjelbërt. Mesa duket qytetarët në Pogradec nuk kanë abuzuar me shfrytëzimin masave të marra për parandalimin e COVID-19.
Gazetarja Ledjona Xheladinaj tha se dyndje apo grumbullime janë vërejtur në ato vende ku marrin shërbime qytetarët. Në 6 Bashki të qarkut të Korçës 5 prej tyre janë shpallur zona të gjelbërta. Tashmë, Pogradeci është në pritje të pushuesve edhe pse kjo nuk pritet të ketë lëvizje të lartë për shkak të pandemisë.