Në 5 ditë 30 zjarre. Ky është bilanci në territorin e Bashkisë Vlorë. Për kreun e shërbimit zjarrfikës, Kastriot Begaj zjarret janë të qëllimshëm, edhe pse asnjë person nuk është vënë para ligjit.
Ai tregon se shkak për zjarrvëniet mund të jenë bërë përplasjet mes pronarëve të sipërfaqeve me ullinj, por dhe blegtorët, të cilët tentojnë të hapin kullota të reja.
Sa i takon infrastrukturës së forcave zjarrëfikëse, Begaj thotë se situata lë për të dëshiruar, pasi ka ende mungesë të bazës materiale.
