Është vënë sërish në pranga shtetasi, Ardian Isufi në qytetin e Korçës, i cili la qelinë ditën e djeshme pasi përfitoi nga Amnistia.
Vetëm disa orë pasi u la i lirë, Isufi kreu një tjetër vjedhje në Korçë.
LEXO EDHE: EMRI/ Nuk harroi zakonin e vjetër, një ditë pasi doli nga burgu falë amnistisë kryen vjedhjen e radhës
Sipas policisë ky shtetas ka vjedhur një automjet tip “Ford Fiesta” , i cili ka qenë e ndezur në parkimin afër lagjes nr.18 të qytetit.
Kamerat e sigurisë kapën momentin kur autori kalon me mjetin e vjedhur në aksin Korçë – Pogradec, duke u vëmë më pas në pranga mbrëmjen e sotme (25 Prill).
Njoftimi i policisë:
Korçë
Falë bashkëpunimit mes strukturave të Drejtorisë Vendore të Policisë Korçë dhe Drejtorisë Vendore të Policisë Tiranë, kapet në qytetin e Tiranës dhe vihet në pranga 36-vjeçari, i cili mbrëmjen e djeshme vodhi në Korçë një automjet.
Në vijim të veprimeve hetimore të kryera në lidhje me zbardhjen e ngjarjes së ndodhur mbrëmjen e djeshme, në lagjen nr. 18, Korçë, ku u vodh një automjet, falë shkëmbimit të informacioneve mes DVP Korçë e strukturave të DVP Tiranë, u bë e mundur kapja dhe ndalimi i autorit të dyshuar të ngjarjes, në qytetin e Tiranës.
Si rezultat u ndalua shtetasi në kërkim A. I., 36 vjeç, banues në Pogradec, me precedent të mëparshëm penal në fushën e vjedhjes së pronës (automjeteve).
Ky shtetas mbrëmjen e datës 24.04.2024, dyshohet se ka vjedhur në Korçë, automjetin tip “Ford”, në pronësi të një 30-vjeçari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.