Kandidati i Partisë Mundësia në Tiranë, Erald Kapri, foli sot në emisionin Log në News 24 nën moderimin e Endri Xhafos, për votën e diasporës.
Kapri tha se vota e diasporës ishte dyshuese që në fillim, duke thënë se ajo u arrit përmes një marrëveshjeje politike mes PD dhe PS.
“Kur u votua në Kuvend u votua me një marrëveshje të madhe politike, pra marrëveshja ishte që PS ta bënte votën e diasporës në këtë model dhe PD mbylli listat. U arrit kjo marrëveshje politike dhe u miratua vota e diasporës dhe këtu lindi dyshimi. Ky ishte projekti që donte Edi Rama. Kjo shtrirje masive e një lloj kapje të votës me këtë pushtet që ka Rama sigurisht që kishte dyshime”, tha Erald Kume.
Më tej ai nënvizoi se i gjithë procesi i votës së diasporës cënon fshehtësinë e votës, teksa tregoi një rast që i ka ndodhur.
Ai tha se kushërinjtë e tij nga jashtë i dërgonin me foto votat e tyre.
“U bë trend, kam kushërinj dhe unë jashtë dhe ma çonin dhe mua në privat, që të votuam. U bë skandal, dhe kjo ka ndodhur me të gjithë sepse ky është një proces që e cënonte fshehtësinë e votës”, tha kandidati i partisë Mundësia.
Erald Kapri: Vota e diasporës ishte dyshuese që në fillim. Sepse kur u votua në Kuvend u votua me një marrëveshje të madhe politike, pra marrëveshja ishte që PS ta bënte votën e diasporës në këtë model dhe PD mbylli listat. U arrit kjo marrëveshje politike dhe u miratua vota e diasporës dhe këtu lindi dyshimi. Ky ishte projekti që donte Edi Rama. Kjo shtrirje masive e një lloj kapje të votës me këtë pushte që ka Rama sigurisht që kishte dyshime.
Me 200 mijë vota prodhohen teorikisht 20 mandate . ka një problem të madh këtu, pastaj vijmë te problemet e tjera. Është antikushtetuese, ti fshehtësinë e votës nuk e ke fare. Plasi gjithandej, voto aty dhe ço me foto.
U bë trend, kam kushërinj dhe unë jashtë dhe ma çonin dhe mua në privat, që të votuam. U bë skandal, dhe kjo ka ndodhur me të gjithë sepse ky është një proces që e cënonte fshehtësinë e votës.
