Vijon numërimi i votave në 3 nga 12 qarqet e vendit për kandidatët preferenciale, që do të bëhen pjesë e Parlamentit të ri. Në Qarkun e Gjirokastrës, ku ka përfunduar procesi, PS ka arritur të sigurojë 3 mandate deputetësh.
Nga këta 1 është nga lista e sigurt, Mirela Furxhi, që del automatikisht si kandidat i votuar nga logoja e Partisë Socialiste.
Ndërkohë pjesë e Kuvendit të ri nën logon e PS futen edhe dy kandidatë nga lista e hapur, Tërmet Peci dhe Piro Dhima.
Ndërsa PD ka siguruar vetëm 1 mandat dhe pjesë e Parlamentit u bë vetëm Tritan Shehu nga lista e mbyllur.
