Analisti Arion Sulo i ftuar në Panorama TV ka folur në lidhje me Reformën Zgjedhore dhe mungesës e votave nga mazhoranca për ta votuar atë.
Sulo u shpreh se Rama mundohet të shmangë opozitën e vërtetë dhe me gjasë do të arrijë ta votojë kërë reformë duke ngritur një komision me njerëzit e Bashës që po i jep edhe vulën.
“Rama shmang opozitën nga një ndërmarrje që e ka me kushtetutë. Kjo është një reformë e Ramës që rrëzon një shtyllë të demokracisë, këto nuk do të jenë më zgjedhje.
Ai do përpiqet të ngrejë një komision me njerëzit e Bashës, të cilët po i jep edhe vulën, duke shmangur opozitën e vërtetë me 40 deputetë.
Me atë do të tentojë të bëjë reformën zgjedhore, pastaj do të kalojë në bindjen e deputetëve.
Ai edhe këto reforma të mëdha do t’i bëjë vetëm. Duke i marrë ato vota që i duhen dhe jo duke bashkëpunuar” tha Sulo.
Zgjedhjet e parakohshme
Pak muaj më parë u përfol edhe për zgjedhje të parakohshme, një ide e nxjerrë nga vetë kryeministri Rama, e cila u rrëzua po nga vetë ai në mbledhjen e fundit të qeverisë në Shëngjin.
Analisti tha se kryeministri e ka rrëzuar këtë ide sepse nuk sheh më rrezik nga SPAK.
“S’ka lidhje me Reformën Zgjedhore. Zgjedhjet e parakohshme kanë dalë si ide nga vetë Rama, kur SPAK coi për gjykim dosjen e inceneratorit të Tiranës. Një dosje e fortë, por edhe dosje të tjera kanë krijuar idenë që nuk janë dardha dhe kumbulla sic thoshte ai.
Ai duke parë që nuk hanë më njeri këtë, ka pasur idenë e zgjedhjeve të parakohshme, për të lëshuar disa prej bashkëpunëtorëve të tij.
Kjo është një ide e tij jo e opozitës dhe po vetë e rrëzon në Shëngjin, sepse nuk sheh rrezik nga SPAK” shtoi ai.
