Një komisoner në një qendër votimi në Elbasan pretendon se ka votuar për kandidatin e koalicionit “Bashkë Fitojmë”, Luçiano Boçi por në momentin që ka tentuar të vërtetojë votën, pajisja elektronike ka konfirmuar emrin e kundërshtarit politik.
Lidhur me rastin, komisioneri ka denoncuar në KQZ për të bërë të mundur kontrollin e pajisjes dhe rezultatin e votimit.
Në një deklaratë për ‘News 24’, kryetarja në qendrën e votimit ku dhe është denoncuar kjo pajisje tha se ende nuk ka një përgjigje apo reagim nga ana e KQZ-së.
“Komisioneri pretendon se kur ka votuar ka dalë emri i kundërshtarit. Në anën e pajisjes ka dalë emri i kundërshtarit, dhe ne nga ai moment kemi bllokuar pajisjen dhe nuk e kemi vazhduar më votimin. Ende nuk kemi marrë përgjigje nga KQZ, apo inspektorë për të inspektuar këtë pajisje”, tha ajo.
