Shërbimi Meteorologjik Ushtarak bën me dije se, vendi ynë sot do të ndikohet përsëri nga kalimi i një fronti të ftohtë atmosferik shoqëruar, me masa ajrore të paqëndrueshme dhe të lagështa.
Moti parashikohet kryesisht i vranët me intervale të pakta kthjellimi në pjesën bregdetare dhe qendrore, kryesisht në mbrëmje.
Parashikohen reshje shiu me intensitet mesatar në formën e shtrëngatave. Intensitet i lartë në formë rrebeshesh shiu shoqëruar me shkarkesa elektrike, parashikohet në pjesën veriore dhe bregdetin perëndimor nga orët e mesditës deri ato të pasdites. Pas orëve të pasdites, reshjet do të humbasin intensitetin dhe bëhen përsëri me intensitet të ulët e lokalisht mesatar.
Parashikohet borë në majat e maleve në veri e verilindje.
Era do të fryjë me drejtim Juglindje – jugperëndim me shpejtësi 3-10 m/s. Përgjatë vijës bregdetare dhe zonat luginore të vendit era do të jetë me rrahje dhe relativisht intensive dhe shpejtësi të cilat arrijnë deri në 15-20 m/s.
Valëzimi në dete parashikohet i forcës 5-6 me lartësi vale 1.0-3.0 metër.
Temperaturat parashikohen:
QYTETET Temperaturat në °C
Shkodër 8/11 re shi
Kukës 6/10 re shi
Lezhë 7/11 re shi
Dibër 4/8 re shi
Durrës 9/14 re shi
Tiranë 8/14 re shi
Elbasan 6/11 re shi
Berat 7/11 re shi
Vlorë 10/15 re shi
Korçë 4/8 re shi
Gjirokastër 7/12 re shi
Sarandë 10/14 re shi.