Skip to content

Vrasja e 7 vjeçares/ Meta i bashkohet protestës: Rast i përsëritur, nuk është marrë asnjë masë

Ndajeni këtë artikull me të tjerë duke klikuar ikonat më poshtë

Kreu i Partisë së Lirisë Ilir Meta i është bashkuar protestës së organizuar nga qytetarët dhe shoqëria civile, për vrasjen e 7 vjeçares nga ish oficeri Arjan Tase.

 

Për mediat, Meta tha se nuk është marrë asnjë masë nga ana e autoriteteve, ndonëse ky është një rast i përsëritur.

 

Kreu i Partisë së Lirisë, theksoi më tej se qytetarët duhet të shumëfishojnë vrullin dhe intensitetin e protestës.

 

“Vetëm pak kohë më parë dy qytetarë u plagosën në Jalë, në rrethana të ngjashme dhe shumë aksidente të tjera. Asnjë masë nuk është marrë për të zbatuar ligjin, jo vetëm kaq por edhe cinizmi që thotë mos na e prisni imazhin e vendit me turizmin më të mirë në rajon. Zgjidhja është protesta, dorëheqja e gjithë ministrave përgjegjës dhe kryetarit të Bashkisë ku ka ndodhur ngjarja ose shkarkimi i tyre.

 

Qytetaret duhet të shumëfishojnë vrullin, intensitetin e protestës. Të vrasin frikën dhe të triumfojë liria. Familjet shqiptare janë në gjendjen më të rëndë nga ana ekonomike, nga problemet sociale, sa shumë të rinj të prekur nga fenomeni i drogës.

 

Të rrisim përgjegjësinë dhe të mblidhemi të gjithë, që kjo situatë papërgjegjshmërie të marrë fund dhe të mbrojmë fëmijët e shqiptareve dhe atdheun nga një klikë e papërgjegjshme.

 

Mjafton një dorëheqje e Edi Ramës dhe mendoj se çështja është më e thjeshtë, më mirë të kemi një dorëheqje se të kemi tre. Sepse edhe ata të tjerët, aty brenda janë.

 

Këtu kemi të bëjmë me një bandë, është e qartë. Kjo është ngjarje e përsëritur. Mjafton rasti i të riut Rasha, se si u vra, si mund të vritet një të ri, që shkon e blen cigare. Se si fabrikuan lajmet se ishte me armë”, tha Rama.

Ndajeni këtë artikull me të tjerë duke klikuar ikonat më poshtë