Detaje të reja kanë dalë nga vrasja e Edmond Papës në Tiranë.
Autorët e kanë ndjekur për disa ditë Edmond Papën, para dhe ditën e ngjarjes deri në realizimin e krimit pranë një lokali.
Në kuadër të operacionit ‘Eagle Eyes’, forcat blu kanë sekuestruar kamerat e sigurisë dhe automjetin tip ‘Audi’ të përdorur nga autorët e dyshuar para dhe pas krimit. Po ashtu u sekuestruan edhe 3 aparate celular.
Sipas njoftimit të Policisë, organizator i ngjarjes ka qenë Albano Velo i cili është vënë në pranga ndërsa është shpallur në kërkim bashkëpunëtori i tij, shtetasi A. B., 44 vjeç, banues në Tiranë.
49-vjeçari Edmond Papa, u qëllua rreth orës 16:30 në 16 dhjetor, në zonën e Selitës në Tiranë, teksa ishte në një lokal aty pranë, në rrugën “Fadil Bodinaku”. 49-vjeçari u dërgua në spital, por nuk arriti që t’u mbijetonte plagëve të marra.
