Një ngjarje e rëndë tronditi mbrëmjen e djeshme fshatin Rëmbec në Maliq.

 

Nesti Sotiri, 60 vjeç u vra me thikë dhe autori i  dyshuar i këtij krimi është fqinji i tij, Velo Hazisllari, i cili ka mbetur i plagosur.

 

Vëllai i autorit të dyshuar është shprehur para gazetarëve i tronditur, ndërsa tregon se ngjarjen e ka mësuar nga televizori.

 

Ai tha se dikur mes viktimës dhe autorit ka pasur marrëdhënie të mira, teksa shton se i vjen turp nga ajo se çfarë ka ndodhur.

 

“Nuk di asgjë, sa e pashë në televizor. Nuk kam forcë dhe kurajë të flas. Çfarë të të them, jam i tronditur. Të vritesh për këto gjëra. Më vjen turp. Unë jetoj në Greqi, sa erdha për pushime, ndodhi kjo që ndodhi. Në vitet që kam qenë unë, ata të dy kanë qenë miq e kanë pasur raporte shumë të mira me njëri-tjetrin”, tha Pëllumb Hazisllari.

 

Dyshohet se sherri nisi për motive banale dhe degradoi në përdorimin e thikë. Hazisllari, i shtruar në spital, tashmë është arrestuar nga policia.

Subscribe kanalin tonë në Youtube për të mos humbur asnjë video të re