Presidenti i Serbisë Aleksandër Vuçiç akuzon politikanët në Kosovë se po lobojnë fuqishëm në shumë vende të botës për njohjen e Kosovës madje dhe për shkëmbimin e terriroreve.
Sipas tij Kosova paguan shuma të mëdha parash për qëllimet e vete kombëtare.
ALEKSANDAR VUÇIÇ
PRESIDENT I SERBISE
Shqiptarët e Kosovës po shpenzojnë shumë para. Vetëm në Uashington kanë 3-4 agjenci. Kanë harxhuar miliona dollarë. Ky nuk është një sekret. Ne Serbët nuk kemi agjenci të tilla. Kosova ka një diasporë shumë të fuqishme në Shtetet e Bashkuara të Amerikës. Në Nju Jork lobojnë shumë fort, edhe në Detroid kanë ndikim të madh. Edhe ne do të investojmë kur të kemi më shumë para.
Këto deklarata kreu i shtetit serb i bëri gjatë takimit në Beograd me kryeministrin italian Giuseppe Conte.