Skip to content

Vuçiç: Po të vendosnim sanksione ndaj Rusisë….

Ndajeni këtë artikull me të tjerë duke klikuar ikonat më poshtë

Ne vuajmë tmerrësisht dhe shumë duke mos vendosur sanksione ndaj Rusisë dhe unë dua që njerëzit ta dinë këtë, tha presidenti i Serbisë.

Presidenti serb Aleksandar Vuçiç tha të dielën se Serbia do të luftojë që të vazhdojë në politikën e saj për të mos vendosur sanksione ndaj Rusisë, duke theksuar se dëmi që pëson si pasojë është i madh.

“Kemi qëndruar 80 ditë, dhe çmimi që paguajmë është i madh”, ka thënë ai i ftuar në TV Prva, transmeton Tanjug.

“Ne vuajmë tmerrësisht shumë duke mos vendosur sanksione ndaj Rusisë dhe dua që njerëzit ta dinë këtë”, tha Vuçiç.

“Ne po pësojmë dëme të mëdha tani dhe nuk kam kërkuar asnjë falënderim. Do të ishte mirë sikur ambasadori i Rusisë (në Beograd) të fliste për këtë. Megjithatë, ne nuk kërkojmë dhe nuk e bëjmë për ta, por për veten tonë, një qëndrim të ndershëm ndaj vetes, ndaj vendit tonë dhe respektimit të së drejtës publike ndërkombëtare”, shtoi ai.

“Ne do të jetojmë dhjetë herë më mirë(në rast sanksionesh), por nuk e bëmë këtë sepse po sillemi si shtet i pavarur dhe sovran”, ka shtuar Vuçiç.

Ai theksoi se dimri i ardhshëm në botë do të jetë më i vështiri në 70 vitet e fundit.

Ai theksoi se Evropa nuk do të jetë në gjendje të përballojë ekonominë në recesion për të dytin apo të tretën vit radhazi.

 

Ndajeni këtë artikull me të tjerë duke klikuar ikonat më poshtë