Një xhami e re me 99 kupola në Australi po tërheq vëmendjen për dizajnin e saj të guximshëm dhe brutal. Por arkitekti që qëndron pas projektit, Angelo Candalepas, shpreson se ndërtimi i saj mund të bëjë më shumë sesa të fitojë duartrokitje – ai dëshiron që të ndihmojë në përmirësimin e marrëdhënieve ndërfetare në rrethinën e Sidneit në Punchbowl.
Planifikuar për t’u hapur në kohë për Ramazan këtë maj, xhamia është projektuar të ndjehet mikpritëse për të gjithë komunitetin, pavarësisht nga feja.
“Objekti u mundëson të gjithë njerëzve ta përqafojnë shfrytëzimin e ndërtesës”, tha Candalepas në një intervistë telefonike. “Dyert janë absolutisht të drejtuara në pjesën e përparme të rrugës, kështu që gjithmonë do të ketë dyert e saj të hapura për njerëzit”.
Në një ngjarje të shtatorit të quajtur “Njihuni me xhaminë e Aussie”, ndërtesa e papërfunduar u hap për publikun si pjesë e Festivalit të Arkitekturës së Sidneit. Arkitektët i drejtonin vizitorët e xhamisë, ndërsa anëtarët e komunitetit mysliman të Punchbowl flisnin me vizitorët rreth besimit të tyre dhe përpjekjeve për mbledhjen e fondeve pas projektit A $ 12 milion( australian apo $ 9million amerikan).
“Ne donim të sillnim punën e madhe të xhamisë moderne në të hapur dhe normalizimin e ndërtesës si një arkitekturë”, tha drejtori i festivalit, Timothy Horton, në një intervistë telefonike. “Xhamia e Punchbowl është një kryevepër moderne arkitekturore dhe do të jetë një nga ikonat e reja në perëndim të Sidneit, një nga pjesët më kulturore dhe më të shpejta në rritje të Australisë”./KI/.
