Drejtori i rrjetit Akademik shqiptar, Arian Xhelaj në një intervistë për Vizion Plus, tregon se cilat janë preferencat e maturantëve sipas aplikimeve dhe regjistrimeve të bëra deri më tani.
Se pari si eshte numri i maturanteve qe jane regjistruar deri tani krahasuar me nje vit me pare?
“Kemi ecuri të mirë, mbase edhe më të mirë se vitet e kaluara, kemi 80% që aplikuan në raundin e parë, të cilët tashmë janë regjistruar dhe është ecuri nga më të mirat”, thekson ai. “ Mbase edhe efekti i konkurseve dhe disa testeve në disa degë”, thekson ai se mund të kenë ndikuar që maturantët të mos presin raundin e dytë të regjistrimeve. “Shumica e aplikimeve kanë shkuar në dy grupimet e zakonshme që janë dega e Mjekësisë, Shëndetit dhe Infermierisë dhe degët e IT dhe teknologji dhe inxhiniere. Në vetvete, IT ka më shumë regjistrime, rreth 15% e totalit, ndjekur nga degët e mjekësisë e shëndetit, por të dyja degët së bashku përbëjnë më shumë se gjysmën e regjistrimeve në rang kombëtar”, shton ai.
Universitetet e rretheve kane ngritur shqetesimin per numrin e ulet te regjistrimeve ne disa dege, madje ka edhe dege ku deri ne kete faze nuk ka asnje te regjistruar, perse ka ndodhur kjo?
“Pse kur ka qenë ndryshe? Numri i programeve të studimeve nga momenti i aplikimeve në E-Albania deri më tani kanë pasur një rritje me 30%”, thekson ai duke shtuar se në disa programe është normale që të ketë ulje interesi, theksuar edhe tregut por edhe interesit të maturantëve që duan punësim të shpejtë në tregun e punës. “Janë programe që në të gjithë botën kanë problematika”, thekson ai, duke shtuar se duhet akoma më shumë punë edhe nga vetë universitetet.
