Për ekspertin e ekonomisë Selami Xhepa, buxheti i vitit 2024 mund të konsiderohet modest, pa shumë risi dhe mund të thuhet që e “kalon klasën”
“Dy janë risitë e këtij buxheti, së pari rritja e pagave për administratën publike, një politikë kjo e cila nuk konsiderohet e re, por është vijimësi dhe e dyta rritja e buxhetit për Ministrinë e Mbrojtjes, pasi ne kemi detyrime si vend anëtarë i NATO-s”, u shpreh Xhepa në emisioni E-ZONE në Vizion Plus
Por me çfarë note mund të vlerësohet buxheti 2024?
“Për aq kohë sa dokumenti miratohet nga Parlamenti, ai merr notë kaluese. Buxheti duhet të kishte një fytyrë më sociale në kushtet në të cilat po kalojmë, pasi mungon një mbështetje për pensionistët. Nga ana tjetër investimet publike janë më të ulëta se viti aktual”- tha Xhepa në Vizion Plus
