Ambasadorja e SHBA-ve, Yuri Kim ka përshëndetur zgjedhjen e Holta Zaçajt si kryetare e Gjykatës Kushtetuese. Zaçaj u zgjodh në raudin e tretë, ku mori 5 vota kundrejt Fiona Papajorgjit dhe Marjana Seminit. Nëpërmjet Twitterit, Kim shkruan se SHBA do të vazhdojë ta mbështesë fuqishëm reformën në drejtësi.
“Urime Gjykatës Kushtetuese për zgjedhjen e kryetares së re. Holta Zaçaj është kryetarja e parë e zgjedhur qëkur Gjykata arriti të ketë trupë të plotë. I urojmë suksese asaj dhe të gjithë gjyqtarëve të tjerë teksa forcojnë integritetin dhe pavarësinë e Gjykatës.
LEXO EDHE: PROFIL/ Kush është Holta Zaçaj, kryetarja e Gjykatës Kushtetuese
Reforma në drejtësi nuk ka qenë e lehtë, e shpejtë apo e përsosur, por po ecën përpara. SHBA do të vazhdojë të mbështesë fort zbatimin e plotë të reformës në drejtësi në Shqipëri. Gur mbi gur...”, ka shkruar ajo.
1/2 Congratulations to the Constitutional Ct on electing a new chairperson. Holta Zaçaj is the 1st chair elected since the Court achieved a full bench. We wish success to her and all the judges as they strengthen the integrity & independence of the Court. https://t.co/bxTcW3HoIC
— Ambassador Yuri Kim (@USAmbAlbania) February 21, 2023
