Ballkani Perëndimor nuk është më një “bombë”, por një vend për të investuar, tha kryeministri i Maqedonisë Veriore Zoran Zaev në prag të udhëtimit të tij në Bruksel për një takim me zyrtarët e BE.
Në një tubim kushtuar Maqedonisë Veriore të organizuar nga Rrjeti i Zhvillimit të Biznesit SEEBDN në Vjenë, ai kujtoi se emri i tij i ri ishte “i vetmi pa çështje të hapura bilaterale”.
“Ne tani kemi edhe një mik të ri – Greqinë. Pas 27 vjetësh, ne kemi gjetur një zgjidhje për mosmarrëveshjen tona përmes Marrëveshjes së Prespës. Përmes kësaj marrëveshjeje, ne kemi arritur përmes dialogut dhe diplomacisë atë që është zgjidhur përmes luftërave në histori”, shpjegoi Zaev.
“Marrëveshja e Prespës gjithashtu krijoi një pamje të ndryshme të të gjithë Ballkanit Perëndimor, i cili nuk është më një “bombë”, por një vend i mirë për të investuar”.
Përmes marrëveshjeve me Greqinë dhe Bullgarinë, tha ai, Maqedonia Veriore i ka hapur vetes derën e anëtarësimit në NATO dhe negociatave me BE.
