Personalizimi i fushatës nga Lulzim Basha dhe nisja me vonesë e saj kanë qenë dy nga gabimet që kanë bërë PD në fushatë sipas gazetarit Blendi Fevziu.
Përmes emisionit “Të Paekspozuarit” në MCN TV, Fevziu shtoi se rruga që zgjodhi Basha duke dalë nga sistemi për tu rikthyer sërish në të, pa e ndryshuar ishte një goditje fatale për opozitën.
“Ka shumë njerëz që mendojnë e është e vështirë ta mundësh Ramën me vota. Basha zgjodhi rrugën që zgjodhi duke dorëzuar të gjitha gjërat dhe u kthyen sërish në sistem. Ai ka marrë një goditje fatale para fushatës. Gabimet e fushatës mund ti rendis.
Nuk besoj që fushata ka një ndikim shumë të madh. Unë kam qenë një nga personat që kam thënë publikisht që dalja me një listë do ti kishte nxjerrë në favor. Berati do të ishte 4 me 3 nëse do të ishin në një listë. Ishte i sigurt Durrësi që do të shkonte 7 me 7.
Në fushatë u bë një gabim tjetër, nisi me shumë vonesë. Blendi Klosi drejton Beratin prej 8 vitesh dhe shkon çdo fundjavë atje, dhe Tomorr Alizoti u caktua 8 javë për para.
E dyta ishte personalizimi i fushatës nga ana e Bashës, shmangu Berishën, shmangu Kryemadhin etj. Ky ishte një bast i Bashës që ta luante lojën të gjithën vetë.
Ishte gabim sepse ai ishte nën përqindjen e PD-së. Basha nuk mund të merrte vota duke e personalizuar lojën.
Ai duhej të dilte me 10 veta përballë një individi. Berisha sot figuron më popullor se Basha dhe nuk duhej të ishte shmangur në fushatë sepse mund ti siguronte vota.
Organizimi i PD rezultoi shumë më i dobët se i PS. Basha në fushatë ishte fake, duke e bërë këtë vetëm për imazh. Kjo është fushatë e viteve 2000, ngritja e makinave ndërkohë që nuk ke bazën ishte gabim”, tha Fevziu.
Logjikë që normalisht nuk qendron, pasi së pari Berisha ka marrë shumë më pak vota se Basha, dhe së dyti Monika Kryemadhi ka qenë një ndër më pak të votuarat në Tiranë.
Pra, me përjashtim të Fevziut, të gjithë bien dakord se shmangia e Berishës dhe Kryemadhit nga fushata, ka qenë lëvizje e zgjuar e Bashës, jo gabim.
