Simptomat më të zakonshme të koronavirusit që rendit Organizata Botërore e Shëndetit janë ethet, lodhja dhe një kollë e thatë. Pjesë e këtyre shenjave janë edhe rrufa, dhimbja e fytit, bllokim të hundës, dhimbje trupi, diarre dhe humbje të ndjenjës së shijes dhe / ose erës.
Poandemia e koronavirusit duke qenë një sëmundje e re duket se akoma nuk ka një protokoll vendimtar në lidhje me shenjat që ajo shkakton te pacientët. Të sëmurët me Covid 19 sipas një studimi të publikuar në The Guardian theksohen disa nga simptomat më të pazakonta që pacientët shfaqen pas infektimit me koronavirus.
“Gishti Covid”
Pacientët në disa vende kanë raportuar skuqje në gishtërinjtë e tyre, në shumë raste të shoqëruara nga ndonjë prej simptomave të zakonshme të virusit. Gjendja është quajtur ‘Gishti Covid’. Skuqjet mund të marrin formën e lezioneve të kuqe ose vjollcë dhe, përkundër emrit, mund të gjenden në anën ose pjesën e poshtme të këmbës, ose edhe në duar dhe gishta.
Konjunktiviti / syri rozë
Konjunktiviti ka qenë një simptomë e rrallë në rastet e Covid-19, me grimca virale që gjenden në lot. Sidoqoftë, nuk ka gjasa që një person të paraqesë konjunktivit viral sekondar ndaj Covid-19 pa simptoma të tjera të eetheve ose kollës së vazhdueshme, pasi konjuktiviti duket se është një tipar i vonuar në rastet ku ka ndodhur.
Livedo ose nekroza
Një studim spanjoll, i botuar në Gazetën Britanike të Dermatologjisë javën e kaluar, zbuloi se 6% e 375 rasteve të koronavirusit të ekzaminuar përfshinin livedo, vdekjen e indeve të trupit për shkak të mungesës së furnizimit me gjak, ose njollosje të lëkurës. Sidoqoftë, kjo nuk ishte konsistente në të gjitha nivelet dhe nekroza u gjet edhe tek disa njerëz me koronavirus të cilët nuk kishin nevojë të shtroheshin në spital.
Marramendje / dhimbje koke
Një studim i 214 pacientëve në Kinë, botuar në Jama Neurology muajin e kaluar, zbuloi se pak më shumë se një e treta (36.4%) kishin përjetuar simptoma neurologjike si marramendje ose dhimbje koke, duke u rritur në 45.5% në ata me infeksione të rënda koronavirus. Për momentin, komplikimet neurologjike mund të konsiderohen më së miri si pasojë e ashpërsisë së sëmundjes Covid-19 sesa një shqetësim i ri i veçantë.
Ndjesi shpimi / gazi
Disa pacientë janë ankuar për një ndjesi shpimi gjilpërash apo edhe djegieje. Dr Ëaleed Javaid, drejtori i parandalimit dhe kontrollit të infeksionit në spitalin Mount Sinai në Neë York, tha se ka të ngjarë që përgjigjja imune e pacientit ndaj Covid-19 – sesa vetë virusi – po shkaktonte ndjesi të tilla.
