Një arsenal me armë zjarri është zbuluar këtë të enjte në fshatin Babicë të Vlorës nga Policia.
Gjatë ditës sot Policia e Vlorës ka ushtruar kontrolle në një banesë në fshatin Babicë të Vlorës pas një informacioni se brenda shtëpisë fshiheshin disa armë zjarri.
Policia e Vlorës doli më herët në një deklaratë për mediat, ku njoftoi publikun për bazën e armatimeve që u gjet sot në Babicë .
Kreu i Policisë së Vlorës tha se ka dyshime që armët e gjetura të jenë përdorur për dy ngjarje kriminale të ndodhura në qytetin e Vlorës kohë më parë. Drejtori i Policisë së Vlorës tha se në pranmag ka rënë një person me iniciale L.D.
Drejtori i Policisë u rezervua për të dhënë më shumë detaje për shkak se ngjarja është nën hetim. Dyshohet se i arrestuari dhe një pjesë e armëve të sekuestruara mund të kenë lidhje dhe të jenë përdorur në dy ngjarje kriminale të ndodhura në Vlorë kohët e fundit.
Në kuadër të operacionit janë sekuestruar: snajper, pjesë përbërëse arme luftarake, pistoletë Zastava 10 mm me dy krëhëra, pistoletë dhe 40 fishekë 5.6mm, armë e kalibrit 12 mm, mina me celular, 7 kallëpe lëndë eksplozivi plastik, silenciatorë,
4 dylbi optike, 2 palë dylbi optike vëzhgimi, kuti plastike me 200 fishekë 9 mm, radiomarrëse me valët e Drejtorisë së Policisë Vlorë, targa makinash, çelësa makinash, maska, fenelina, veshje të ndryshme.
.//